SULTENG,- KAPALA Dinas Energi Sumber Daya Mineral Prov Sulteng ir. Yanmar Nainggolan. Ces nangulika ka Kaili Post, ri tempona nikakava ri Kantorona dala Sam Ratulangi Palu Senin (9/10/2017) tinti 10.00 Wita, nikaika urusa nu tambang galian c ri binangga ngata Labuan nanggavia masala ante todea rangata.
Anu sebelumna ri minggu naliu tona dako ri Labuan nakava ri kantoro Aliansi Jurnalis Independen (AJI) Palu nangaduka kainggua porusahaan topo kae bone nogero karona, nompetevaika urusana naupu purama mbelana ri tempo portomuan ante Bupati Donggala.
Yanmar nangulika, ri posiromu hai, nikakavaka mboto Kasman Lassa, Kapolres Donggala, todea ri Labuan ante geira naria urysana ante galian C. Ri tempona posijarita naria sakide nosisala paha antara geira tupu nu ngata, tapi namala nipaka belo, ante rakakavaka Bupati mboto ngena libu anu nikae hai.
Nakavaopa niulina, nosisala paha ri posintomu hai aga geira nosarara, batuana urusa rirarana geira tupu nungata, ” Anu mbelana naupumo nijaritai ri watuna posintomu ri kantoro Bupati naliu hau, tapi nikenika ante kaparlua tona dako ri sambalikuna, ato naria tona no sangaja nopanesi ala urusa hi aga vesia-vesia nju, Kami motonggoraka ane Bupati makavamo manggita binangga Labuan, kami hau muni le” petevaikana.**
Reporter: Firmansyah
