NAPI NAMATE NOTIMBALOEKA TAMBOLO RI LAPAS PETOBO

  • Whatsapp
banner 728x90

PALU,- Sala saito Narapidana Yustinus Fantarfaila (33 thn) nonturo ri dala Miangas No. 37 Kec. Lolu Utara, nikava namate riara kamara pandiu ri Lembaga Pemasyarakatan ( LAPAS)’kelas II A Petobo dala.Dewi Sartika Palu, Minggu tinti 20.00 wita. Langgai dako ri Flores (NTT) nitarunggu Sampulu Mpaena, niposabaka Narkoba, notambaloeka tambolona mboto nompake tali nu sapatu.

Dala jaritana, kira-kira tinti 18.00, roana hau nangelo tomate, apa.doparia nanjili ri sel. Tapi sampe ri tinti 19.00 wita dopa.ria nikava. Ri tinti 20.00 wita sala sangu Napi nasimbayuka kasusna FD (36 thn) madota hau ri kamara pandiu, nompatomunaka Yustinus nokaloemo namate. Nanggita anu hai, nikarebakana ka topo jagai panjara (YS 41 thn).

Naupu hai, tomate nikeni ri Ruma Sakit Bhyangkara Palu, ala ra elo saba kamatena ante motonggoraka sampesuvuna. Kapala Kepolisian Resort Palu (Kapolres) AKBP Mujiyanto. S.I.K riara petevaikana ka wartawan nangulika, nakana naria tona namate notimbaloeka karona mboto ri Lapas Petobo.

Urusa hi daki ra solidiki ruru, samantara kasusna da namate nompatesi karona mboto ante taku nu sapatu ri kamara mpandiu. ” Tomate da naria ri RS. Bhayangkara motonggoraka prosesna vai” petevaikana. Sampe kareba hi nipanau, Senin (3/10/2017)  tinti 13.00 wita, tomate niala sampesuvuna, nitanamo ri dayo Muslim Maesa Kec. Lolu Utara Palu.

Reporter: Firmansyah

Berita terkait