PALU,- SERAH TERIMA jabatan nositukara Karutan baru ante nabaru KLS IIA Palu Sopian nilinja ri Nabire Papua, niganti ka Nanang Kurniawan, Jumat (13/10/2017) ri Rutan Maesa, dala Bali nalancara. Haja hai nikakavaka Walikota Hidayat, Wakapolda Kombes Pol. Muh Aris Purnomo, Kalapas Palu, Perwakilan kantor Wilayah Hukum dan Ham Sulteng, pagawai Rutan ante torata ntanina.
Riara kasampatana, Sopian nangulika songgo poasina ka todea ri ngata kaili, pagawe rutan, tona nitarunggu, ante media, ri tempo Sampae labi nomporoa ia riara pokarjaana. Ia muni nerapi maaf, belekana naria sala nisangaja ato ledo, “Ri ngata Papua (Nabire) yaku nilinja, tapi ri tempona makava ngena mamala vai rauranaka ri ngata kaili hie, nemo malembo somangata” niulina.
Ritempona muni hai, Karutan baru Nanang Kurniawan nompetevaika songgo poasina muni ka Rutan nggaulu, riara masa pokarjaana nanggavia anu belo ka pagawe, ante tona nitarunggu pura, ri libo pokarjaana hie. Ia muni nerapika ka pura-purana Stakeholder ri ngata Palu, ala mompatuduki, motagoro belekana maria dalana masala riara pokarjaana, ” Yaku merapika totuaku ri ruanga hie, ala mpatuntuni yaku belekana masala, ra tevaika ka atura, tarutama ante ada nu tana kaili hie,’’ pangulina.**
Reporter: Firmansyah
