PALU,- IKBAL Andi Magga, nigantika Ishak Cae najadi Ketua nabaru, kira-kira niposabaka naria urusa riara partai Golkar, nagulika ka wartawan ri Warkop Aweng dala Komodo Palu, tinti 12.15 wita eo hie ia da nonturo ri Komisi C. Anuhie nasosuai ante paratura undang-undang konstitusi, ante muni pura-purana anggota DPRD matantu mesua ri komisi. Riara Tartib nangulika tona niganti monturo ri riumba posisi ponturo mpangganti.
Ikbal muni mpatambai, ponturona riara komisi ledo urusa nu patai, “ Partai aga nourusi anu nikaika ka alat-alat kalangkapa eva Banggar, Bamus ante Baperda, “ Nakavao hie dopa ria anu mpatagi ia mesua ri komisi “, niposabaka ia muni da naria hak konstitusi ka anggota DPRD Palu.
“Mpaturusi undang-undang konstitusi ia mpaganti posisi ishak Cae ri komisi C, anu hai natetulisi “ petevaikana. Tempona hie ia naria ri komissi C, belekana ngena ri Januari 2018 yaku ra rolling, ato ra linja ri komisi ntanina, mauaga geira, mbana-mbana niulina. Nitambaina muni ane urusa nojarita ante anggota DPRD ntanina eo hie, niulina ia da nojarita muni ante kotua, ledo urusa nu partai, tapi anu ntanina,’’ pangulina.**
Reporter: Firmansyah
