PALU,- NIKAIAKA Ante topo demo ri Kantor DPRD Palu eo.Senin (13/11/2017) tinnti10.30 Wita. Riumba geira nosangaka Koalisi Masyarakat Talise Menggugat (SIKAT TAMENG) Kelurahan Talise ante Valangguni Kecamatan Mantikulore ledo madota izin Hak Guna Bangunan (HGB) PT. Duta Darma Bakti rapaka ndate vai. Niposabaka ri mpae 2001 tana hai nipakeramo notuda-tuda, nipotana tomate ante urusa ntanina, sala saito wakele todea Dako ri Komisi C Rusman Ramli nangulika Dekot riara urusa hie mpaduku Pemkot ala ledo mopaka ndate HGB PT Duta Darma Bakti ante PT Sinar Murni.
Niulina muni ngena dewan mopokio geira-geira netekai ka urusa hi mosintomu ante tina Dako ri Talise Valangguni, ane rakita Dako ri sura walikota maria deana 350’hektar tana nikuasai ka Randua Porusahaan hai, “Nambaso harapan geira tupu nungata ala tana ni potuda-tudara nggaulu dako ri 2001 rakaviaka surana, hai pura sabana sampe geira nakava nodemo vai ” petevaikana.
Nitambaina muni nariamo nggaulu geira anggota dewan nosintomu ante tona ri Talise, nojaritaka urusa hie. Nadeamo geira nobalu mboto tana ri libo anu ni posinggarauka, tapi ledo ria bukti sura-suryana, ” Ketevaika ka sarara ri Talise Valangguni ala mosabara pura, demo manggavia gado, tonggorakamo DEKOT.ante PEMKOT mo urusi anu hai, ala mabelo pura haselena ka kita pura,’’ niulina.**
Reporter: Firmansyah
