PALU,- NAKURA Nelabi Ruatu deana topo karja ri kontainer nakava no demo ri kantoro Dewan Perwakilan Rakyat Daerah (DPRD) dala Moh Hatta Palu, Araba (1/11/2017) tinti 12.00 wita. Nerapika ka pamarenta ala moosu SK mpatagi oto mbasora mesua riara ngata. Sobolumna geira hau ntani ruru ri kantoro walikota pafe nesai ri Dekot.
Sala saito anggota Komisi C Hamsir nantarima topo demo nangulika ka Kaili Post, geira hai kaampa ngganinamo nakava ri kantoro nangaduka urusara, naupu puramo kami nosintome ante pamarenta kota, tapi sampe eo hie dopa ria haselena. Ane mamala pamarenta, riara anu hie Wali Kota mosinggavaka geira topo demo pura.
Nitambaina muni riara posintomu ante eakele topo demo, ledo ria nojarita nandate, aga nodekeika sura noisika notuntu pamarenta ala radekei geira mesua ante oto mbasora riara ngata. Naupu puramo usaha kami nobantu geira, sampe sakuya ngganimo nosinggava ante pamarenta, tapi ledo kami nangala kabijakan Pemkot.
Nakavopa niulina geira muni tona rangata palu, pade pura-purana nokarja ka ana ante bereira, ‘’Ane mamala nemo aga mantarima kareba, sanggani-sanggani ra tomunaka muni geira no demo, maupu hai pade mangala kaputusa netekaika jam mamala mesuana oto mbasa rangata, ri tinti 24.00 sampe 06.00 padondona” petevaikana. Naupumo topo karjaa kontainer nosintomu ante wakele todea ngata Palu, geira hau nanjayo ante oto mbaso deana kira-kira Ruapulu ri kantoro Dewan Perwakilan Rakyat Daerah (DPRD) Sulteng, dala Sam Ratulangi Palu mpatunturaka urusara.**
Reporter: Firmansyah
