Reporter : Firmansyah
PALU,- RIARA Kareba nu Kaili Post riavi, noajaritaka sala sangu posikola Dasar (SD) ri Kelurahan Kampung Baru, riumba ngana nosikola Randua kolas hai ledo nompake kadera ante meja, ato aganonturo ri lante. Kapala Dinas Pondidikan ante Pongajaran (DIKJAR) Palu Ashar Setiadi nipekutanaka urusa hie, ri talipo pale via SMS eo Kamisi (16/11/2017) nangulika anu hai nesuamo karebana ante kami, riara tempona mamosu anu ni pekutanaka hai ra usahakan, mobiler Dako raala ante E catalog.
Sementara hai, Kotua DPRD Palu Ishak Cae nangulika ka wartawan Nikaiaka urusa hai nopetevaika urusa hie najadimo pongah kita pura, “Natalanjoro mpu kita ane riara posikola ri ngata Kaili hi ngana ledo nompake gadera aga nonturo ri seme “Nitambaina muni riara Posintomu Banggar ri bingo, anu hai najadi porhatian mbaso kami, nitevaika ka geira TPAD ala ledo rakalingasi urusa hai.
Ri valea muni hai sala saito anggota Banggar dako ri Komisi C Idiljan Djanggola nangulika urusa hai nariamo ri sangu mpae naliu, “Haumo kami nanggita posikola, nipekutanamo ante kapala sikolana pangulira napernamo anu hai niulika ka pamerenta, tapi sampe eo hi ledo ria nakana.
BACA SELENGKAPNYA DI HARIAN KAILI POST…!
