PALU,- SALA SANGU Nompatuntumaka Pemilu nikavia Amien Rais, Partai Amanat Nasional (PAN) kota Palu nanggavia haja posintomu ka wartawan ri Kantoro DPP dala Raja.Moili Senin (13/11/2017). Batuana panggavia hai ala modekeika kasampata ka todea rangata mamala mesua manjadi anggota legislatif ri DPRD Palu ante geira, ato PAN majadi sakayara. Posintomu hai nikakavaka anggota Komisi C DPRD Kota Ratna Maya Sari Agan, Ketua DPD PAN Irvan DJ Nouk, Sekertaris Ridwan Pemilu, Ashar Manopo, tadulako DPC ante anggota ntanina.
Anggota Komisi C DPRD Palu Ratna Maya Sari Agan sala sangu kader PAN nangulika ri tempona hie geira nobuka vamba naluo ka todea rangata ala majadi sala saito caleg Dako ri Partai Amanat Nasional. Anu hai nasimbayu muni niulika ketua DPD Ivan DJ Nouk riara mpatomunaka pileg 2019 ngena, kami nodekei kasampata ka.todea rangata ala majadi caleg dako ri PAN, morambanga kita mompaka belo katuvua todea.
Nitambaina muni geira nangelo tona majadi calegra ledo aga nanggita Dako ri deana doira, ” Tonana mabelo ante todea ringatana, nalulus dako pangantoaka KPU ante nonturo ri libo pomilihan, patuju kami dako ri Ovalu Kacamatan ri ngata Palu hie, naria pura wakele dako PAN nonturo ri Dekot, ri Dekot aga Ampa tarmasuk Ratna Maya Sari Agan, ala pongua todea rangata mamala pura ra pangaduka ka Dekot, ” petevaikana.**\
Reporter : Firmansyah
