Reporter : Iksan Madjido
PALU,- SUPAYA Todea ri Palu, marambanga bo marisi, pamarenta kota Palu nanggavia haja niulika Porseni, doko ri kelurahan, kacamatan sampe tingkat kota. Ane tingkat kecamatan Tatanga nikavia lomba senam maumere ante lomba modade lagu kaili, anu nikavia ri Kelurahan Nunu, eo Satu naliu, 16/12/2017. Ane patujuta dako ri aono kelurahan ri Tatanga, tantu meoseaka pura ri lomba hi. Tapi aga tatalu kelurahan neosaka ri lomba senam maumere, geira eva doko ri kelurahan Boyaoge, Tavanjuka (nompakatu randua tim) ante Kelurahan Pengawu. Nipanjosorara nu panitia, nakuya Kelurahan Nunu anu nipajadi tampa nu lomba ledo nompakatu tim maumere na.
“Nipanjosokaku ri sili, Nunu anu nipajadi tuan rumah, ledo nompakatu tim ra. Batuana hi, pamarenta Nunu ledo nomparataika bago hi, ledo nipodamba ra lomba maumere hi,” panguli Askari, S.Pd, ketua panitia Porseni Tingkat Kecamatan Tatanga, anu nipotesaka KP ri tempona topo lomba. Lurah Nunu, Mohammad Yusuf, S.Sos, nipopasova ka saba ledo naria tim maumere doko ri Kelurahan Nunu nanguli, ane bago nakasusu gaga. Domo nakapo tim Nunu nompasadia baju ra pake ra. “Domo na kapo Nunu noesaka lomba maumere, ane modade maria.
Apa nakasusu gaga mo bago hi, jadi doma na kapo tim kami mo latih ante mompasadia baju. Bara nalamba muni panitia nompakilu ka bago hi”, panguli Yusuf.
BACA SELENGKAPNYA DI HARIAN KAILI POST…!
