Reporter : Ikhsan Madjido
PALU,- RI POMAULO Pueta Nabi Muhammad SAW ante moisisi tempona libur mposikola, maria satu labi ngana umuru mposikola SD nisuna. Dopame nakava tempo mposuna, da namba pura geira. Nakava mami tempona, eva karatasa puti puramo lenjera. Ngana naeka hai ngare-ngarena nompokio totua ra. Tapi naria muni naa ro biana ri tempona dokotere nosaya ngudu nu ngayora, ri ara bago niulika sunatan massal, anu nikavia Majelis Ta’lim (MT) Al I’tiroof ri Kompleks Masigi Baitussalam, Kelurahan Pengavu, eo Sine (25/12/2017).
Saito ngana ni suna hai, Muh. Sayyid nangaku nadamba rarana ri bago hi. Naupa ia ngana mpanggalaupuna ni suna, tapi sesa nurarana nalipo apa tomana naria risinjorina. “Naeka mpu yaku pangane, apa niepeku nadea nekarendepe nte nongare-ngare papa, papa, papa,” pangakuna. Samantara hai, Ketua MT Al I’tiroof, Zainal Arifin nanguli, ane sasara nu bago hi ka todea ledo nompakule. “kami nompapriotaska ka geira ledo namampu, tapi ane maria tonamampu, nitarima kami muni,” pangulina.
Ledo aga sunatan massal, panitia nanggavia muni bago bekam ante donor darah. Bago hi nipakasangu nte pomaulo pueta Nabi Muhammad SAW.
BACA SELENGKAPNYA DI HARIAN KAILI POST…!
