Reporter : Iksan Madjido
PALU,- MARIA Labi sapulu topanggeni oto natopa niuli ka sopir angkutan umum, anu nompakasangu ri FKAU (Front Komunikasi Angkutan Umum) Kota Palu, eo Sine naliu (18/12/2017), nakava ri kantoro DPRD Provinsi Sulawesi Tengah. Kakava ra ri DPRD hi notujua mompa porotes kariana taxi nuapa niulika taxi online. FKAU hi nompasangu topanggeni taxi argo metere doko ri MMU taxi, angkot, ojek ante angkutan bandara. Panguli topanggeni oto hi, karia taxi online nompakurati panggava ra eo-eo. Taxi online dopa muni ria atura nangaturu na.
“Karia taxi online hi nompakantambai kasesa kami ri Palu hi, nompakurati panggava kami. Mbana pa sanu ra stor ka bos, mbana pa ra keni ri banua. Dopa muni naria atura natantu nompa aturu taxi online hi,” panguli i Andi Rahman, koordinator doko ri FKUI, ri tempone no orasi ri ngayo kantoro DPRD. Boitumo hai, ia nompakeni topanggeni oto, nemo mantarima karia na taxi online hi. Naupu no orasi, geira nitarima motangara ante wakele ketua DPRD, Akram ante randua anggota DPRD, Sony Tandra bo Huisman Brant Toripalu. Riara mpotangara hai Ketua DPD Organda Kota Palu, Astam nanguli ane nariamo 570 oto online ri Kota Palu.
BACA SELENGKPANYA DI HARIAN KAILI POST…!
