Reporter : Ikhsan Madjido
KAILIPOST,.COM,- PALU- VU MO sertifikat tanah Akper Kawatuna, riumba ledo natantu asal usul nu tana, ahli waris nu tanah anu nipombangu Akper Kawatuna nosegel boba vamba pesua hau ri kampus Akper ri Kelurahan Kawatuna Kec. Mantikulore. Posegel hi muni nikaviaka apa na buntu mo mediasi ahli waris ante pihak Akper. Rumbana mediasi hai nikavia pamarenta Kelurahan Kawatuna. “Tatalu nggani mo lurah no mediasi kami nte geira, angga sanggani pihak Akper Kawatuna nakava. Baru muni nicek kami hamai ri kantoro BPN, rumbana sertifikatra nasasinta mpu nesuvu.
Bula Juni nomohon, bula Oktober nesuvu mo sertifikatna”, tesa Arman, salasaito ahli waris Latadundu ante Daniroya, anu banuana nosintingayosi ante kampus Akper, eo Araba (10/1).
Arman notesa muni ane ri ara sertifikat hai nanguli ane tana hai nikava doko ri hibah, rumbana ledo ria dokumen na doko riumba ante ka isema hibah nutana hai. Ledo aga hai, naria muni dokumen anu nanguli ane tana luo na maria 23.023 M2 hi asala na doko ri tana nu negara valea nu swapraja anu nikuasai Pamarenta Donggala nggaulu bo nibuka secara langsung dokome ri mpae 1980. ***
BACA SELENGKAPNYA DI HARIAN KAILI POST…!
