Reporter : Firmansyah
KAILIPOST.COM,- PALU- KAPALA Kependudukan bo Catatan Sipil (Dukcapil) Burhan Toamp ka Kaili Post ri ruangana Araba (17/1/2018) nangulika, ri tempona hie domo ria istilana nompaka ndate KTP. Dako kamatena ri mpae 2017 rapakemo sampe mamate. Belekana eva maria nateruba data karo, eva nolinja ponturo ato banua, pokarjaa bo status, mamala rakavia vai. Ane ledo ria nateruba, hai rapake nju sampe pumpu nyawa. Anu notuntumaka daki ri UU Nomoro 24 mpae 2013 naisika revisi UU Nomoro 23 mpae 2016.
Sampe eo hie stok blanko KTP da 7000 exmpler ka todea ri ngata Palu. Kira-kira mamala sampe ri mbula Februari ngena. Panggavia KTP riara sangu eo namala sampe 300 ane nanormal jaringan. Carana norekam data ri Kacamatan pade ra kirim ri pusat. Ane anuna nalipo ato napapu, mamala makava rakavia vai ri kantoro Dukcapil, tapi manggeni sura kotorangan dako ri Kolurahan ato polisi, ala majadi bukti, ” Prosesna ra sidik jari ruru, apa geira naporna nanggavia data basena danaria, mamala nisani ri sangu Indonesia pura, ane geira dako ri sangatana, mamala ratulungi ante mohubungi pamarentara ala rakavia sura pelinja ” niulina. ***
BACA SELENGKAPNYA DI HARIAN KAILI POST…!
