Reporter : Firmansyah
KAILIPOST.COM,- PALU- MOMBANGU banua ka todea anu natopa niuli perumahan nemo aga mangelo kauntunga bayangi, bo mompalece tona ante ali nasempo, tapi mpu-mpu ra parahatika muni berimba kakuata nu banguna nikavia hai, asupaya masae raponturo todea rangata sampe mobija mo makumpu.
Vesiamo hai pomperapi Walikota Hidayat ri tempo pompabuka bago Bursa Rumah Murah karajasama PT Bank Tabungan Negara Cabang Palu ante DPD Real Estate Indonesia Sulteng, ri Atrium Mall Tatura, eo Kamisi (15/3) naliu.
Panguli Hidayat anu niporoa Sekda Asri ane dakome ri mpae 2015 nadea mo todea nongua ka pombangu banua murah. Eva ledo nabelo dala ri libo banua ato nabiko, nakura keke bo ledo naria nabelo uve na. “Boitomo itu raparaluka sinergitas Pemkot ante DPD REI monturo sanggani bo motesa belo berima mo rancanakan mombangu banua,” pangulina.
