Reporter : Firmansyah
KAILIPOST.COM,- PALU- NOATU honorer kategori randua (K2) nakava nanjayo ri banua wali kota Palu, Araba (8/5/2018) bongina. Riara kasampata hai, Hidayat notevaika manjaliku urusa hai sampe ri Jakarta. ” Kutevaika muni, i semamo ngena ra anggataka majadi PNS, hai mo hai najadi katantua dako ri pamarenta, ” petevaikana.
Nambaso rara Wali Kota ala pura-purana topo honor ri kantoro mateanggataka pura majadi pagawe. ” Dako riara ntaiku hie, nambaso mpu rara ala komiu topo honor ri kantoro pamarenta ngata Palu neteanggataka pura majadi pagawe. Tapi muni nemo rabasaka kita pura merapi doa ka tupu. Ledo nalenge riara mongabdi ka pamarenta. Tapi muni ku perapika, belekana ngena ledo pura nateanggataka, nemo mosi paka sala. Apalagi mangulika Wali Kota ledo nabelo, ” pangulina nongiri kodi.
Nitevaikana muni, cara mo ujian majadi pagawe ri tempona hie, domo nasimbayu eva nggaulu. Apa nggaulu dopa nompake komputer, aga notulisi.
BACA SELENGKAPNYA DI HARIAN KAILI POST…!
