Lingu Nobonto Potesa Tatalu Raperda

  • Whatsapp
banner 728x90
.

Reporter: Firmansyah Lawawi

NIPOSABAKA Nu lingu, bombatalu bo tana nalodo, tatalu rancangan paraturan daerah
(Raperda) Palu pombahasana damo ratesa vai ri mpae 2019 hi.

Minggu naliu, riara posintomu paripurna ante haja notutui
tempo nu sidang catur wulan tatalu mpae 2018, ante nobuka porapat cawu sangu
mpae 2019. Tatalu Perda natebonto pombahasana ri mpae 2018 hai, eva porubahan
perda limoro 3 mpae 2012 nikaika urusa pombinaan bo ponortiban podagang lapanga
kreatif.

Rancangan paratura daerah modekei fasilitas
nompaka loga ka investasi ri libo ekonomi kreatif, bo ponyolanggaraan nompaka
seha reproduksi mombine.

Rancanga paratura daerah Anggaran Pandapata
Balanja Daerah (RAPBD) mpae 2019, naupumo nisotujui DPRD ante pamarenta ngata.
Samantara hai, raperda pombordayaan ante porlindungan tanaga karja lokal,
nesuamo ri kantoro Gubernur, motonggoraka radekei lomoro.

Kotua DPRD Palu, Ishak Cae najadi balengga
posintomu netevaika, naria sakuya kagiata wakele todea ri mpae 2018 naliu. Eva
posintomu mbaso (Paripurna) deana sapulu aono nggani, posirapa pimpinan aono,
rapat Badan Musyawarah (Banmus) alima, badan pombontukan paratura daerah
(Bapperda) sasio nggani, panitia khusus (Pansus) sapulu randua, nosiepe
pandapat randua, posintomu fraksi aono, topo demo randua ante nanjayoka
pakarjaa

Naupu hai panguli i Ishak Cae, ri mpae 2018, naria
muni haja ri Komisi DPRD ante roa pikarjaara. Eva posintomu Komisi A deana
sapulu bo aono, Komisi B sapulu nggani, Komisi C sasio. Sura nesua ri sekertariat
Dekot nikaika urusa posintomu hai, deana sapulu ovalu.

Ri tempo nu sidan catur wulan tatalu, mpae 2018
nohaseleka muni paratura ka DPRD mboto. Eva paratura tata tortib bo kode etik.

Sekdakot Palu, Asri. SH nowakeleka i Wali kota
riara posintomu Paripurna ante haja nobuka tempo nusidang cawu sangu, mpae 2019
nangulika panggavia rapat ri DPRD, najadimo kowajiban. Ponturo nu Dekot
nasimbayu ukurana ante pamarenta ngata. Riara mangala kabijakan, manggavia
rumusan huku pamarenta ngata. Ala mompaka belo katuvua todea.

Batuana, panguli i Asri, randua suro hai nasimbayu
ponturora. Ledo ria sangana sema ribavona bo riambena. Pura-Purana morambanga
mokarja sama manggavia prodak huku pamarenta daerah nastrategis riara mimbangu
ngata Palu.**

banner 300x90

Pos terkait

banner 580x60