PUSKEMAS Pembantu anu ni bangu khusus ka toponturo Huntara ri Kelurahan Mamboro nambela lingu, domo masae rapakemo atau ra rosmikan mo. Pustu nompasadia rawat inap muni hi, podekei bantua dako ri PT Valey Surowako.
“Naupu mo nibangu, tipe bangunan na semi permanen. Ane mandate umuru, eo Kamisi hi ra rosmikan mo pompakena,” panguli Sekretaris Dinas Kesehatan Kota Palu, Ilham Arsyad, eo Salasa (26/2/2019).
Ane alat kasehata pustu hi, niuli Ilham Arsyad niala dako ri puskesmas utama. Apa topombangu aga nompakasadia biaya pombanguna.
Pombangu pustu ri lokasi Huntara hi nopopagampa proses medis ka todea ri lokasi hai, apa kavaona aga sangu kilo.
“Dako hi pustu nibangu ri lokasi huntara ri Palu,” tesana.
Ledo aga hai, naria muni alima komplek porumahan ri sinjori pustu huntara. “Anu nompogampa akses ntodea anu nakavao dako ri puskesmas utama,” pangulina.
Maria 53 pagawai kontrak ante ASN ri puskesmas utama. Naria muni randua dokotere umum ante sangu dokotere gigi.**
Reporter: Firmansyah Lawawi
