‘Ngiu-Ngiu’ Tsunami Ratambai ri Palu

  • Whatsapp

KAPALA Badan Penanggulangan Bencana Daerah (BPBD) Palu, Presley Tampubolon nanguli BPBD Palu nerapi mo hau ri pamarenta pusat mompasadia uvalu ‘ngiu-ngiu’ anu natopa niuli sirene peringatan tsunami atau  early warning system. Pompausula hi nosikapi kakura na po detektor tsunami ri Palu.

“Ri kasiromu ante pamarenta pusat, JICA, Bank Dunia bo ahli koboncanaan, niusulkan kami mo mo tambai sirene hai. Apa ri Palu aga sangu, anu ri Taman Gor hai,” panguli Presley Tampubolon, Rabu (13/3/2019).

Muat Lebih

Ngiu-ngiu hi rancana na rapataka ampa ri kasoloa nu Palu, bo ampa muni ri tasina.

Kavao moni nu sirene hi maria tatalu kilometere. Samantara luo garesi bivintalinti ri Palu maria 42 kilometere.

“Ane kondisi nu Palu nalino. Ledo nadea suara nuoto atau motoro. Ane nagado suara hai, bo domo ra epe suara mpongiu-ngiu na ane makavao mo,” tesana.

 

Ledo aga hai, ala hi ledo nateganggu ane namate poindo.

“Alat deteksi hi damala nofungsi ane namate poindo, atau malodo ri uve. Danamala pa no fungsi,” tesana vai.

Pompataka alat hi batuana mompasadia karo motande boncana atau mitigasi bencana ri Palu.**

Reporter: Firmansyah Lawawi

Pos terkait

banner 580x60