ALI Nu Gas elpiji 3 kilogram ri pongecer ledo natantu bo natimotoa, ri Palu. Alina maria Rp18 njobu sampe Rp25 njobu.
Kasuli pobalu hi nompakadea todea no sorbu bago niulika pasar murah anu nikavia Dinas Perindustrian dan Perdagangan (Disperindag) Provinsi Sulawesi Tengah ri Kalurahan Birobuli Kecamatan Palu Selatan. Aga sa ja, gas melon nipobalu Rp 16 ribu nagali niali ra, eo Kamisi (11/4/2019).
“Ali ri pangkalan nompene mo, alina sapuuvalu njobu. An era ali ri savaliku pangkalan alina sampe ruapulu boa lima sampe talumpu njobu,” panguli warga, Linda.
Pasar murah pata eo hai, nadea nikakava todea nobalanja, maupa alina nasimbayu sakide ante ri gade biasa.
“Maupa alina aga nasimbayu sakide ante ri gade, tapi na lumayanmo mo hemat sakide pobalanja eo-eo, apa pasar murah hi ledo muni eo-eo nikavia,” pangulina vai.
Samantara, Kapala Disperindag Provinsi, Arief Latjuba nanguli pasar murah hi nioseaka distributot mbaso ante kodi, eva Transmart, Perusahaan Perdagangan Indonesia (PPI), Bulog bo njumangu perusahaan kodi ntanina.
“Pasar murah hi nikavia mosonggo bula mpuasa ringayo bara sakuya minggu pa hi. Maria lima nggani sampae nikavia pasar murah,” tesa Arif Latjuba.***
Reporter: Dedi Rahmat
