Reporter: Firmansyah Lawawi
ASUPAYA Ledo ri mamacet dala bongi nggabuka, pamarenta kota Palu ledo manggavia pawai takabere mo konvoi pesavia ri dala.
Bongi potakabere aga rakavia ri lapanga Vatulemo bo ri masigi-masigi ri Kota Palu.
Malam takbiran di dipusatkan di lapangan Vatulemo dan di mesjid yang ada di kota Palu.
“Ledo ngena kami nompatagi konvoi pesavia ri bongi nggabuka. Tapi anu hi aga nemo sampe mamacet dala. Apa eo hi namacetmo dala, apa domo ria jambata ampa. Naombomo. Tantu matambai vai ka macet,” tesa Walikota Palu Hidayat, eo Juma (16/5/2019).
Niuli walikota, kaombo jambata IV anu nompasambu sabingga kasoloa bo tasina kota Palu, nompakatambai surempu ane rakavia konvoi ri bongi nggabuka.
Hidayat nanguli muni ane eo buka tampa posambaya rakavia ri lapangan boa kodi ri Kelurahan Petobo. Ri sinjori tana nalodo.
“Tujuana ledo ria ntanina mompakamosu posampesuvu ante mompakanga boban psikologi sampesuvu ri Petobo. Niparentakumo jajaran OPD Pemkot supaya mosambaya hamai,” pangulina.
Naupu vesia, ri lapanga Vatulemo tatap muni ra posambaya eva mpae-mpae naliu. Wakele walikota mosambaya hamai.
Ledo aga posambaya buka mbaso. Buka kodi Idul Adha rakavia ngena ri Stadion Gawalise. Jadi Pemkot mompakoroso muni posampesuvu ri bagia kasoloana.**
