Elit Politik Ledo naSorius Mpelisi Wagub

  • Whatsapp
Dr Irwan Waris
banner 728x90
Reporter: Yohanes Clemens
 
BAGO Pompelisi wakele gubernur natebonto nju. Anu hai nireke ledo na sorius elit politik nangelo posambei Sudarto.
 
Topoantoaka urusa politik, natopa niuli Pengamat Politik dan Kebijakan Publik dako ri Universitas Tadulako, Dr Irwan Waris, nanguli nadeamo bukutina elit politik dako ri parpol maupa DPRD Provinsi Sulawesi Tengah.
 
“Aga nibonto nju bago hi. Batuana eliti politik ri parpol maupa DPRD ledo na sorius mompelisi wagub,” panguli Irwan Waris, ri Palu, eo Kamisi (27/06/2019).
 
Niulina muni, elit politik ledo na poduli nuapa paralua ntodea.
 
“Bukutina, mau na kourum, natebonto nju. Jadi, ledo ria kapadulia r aka todea,” pangulina.
 
Nuapa sabana niulina vesia, apa, panguli Dr Irwan, karia wakele gubernur ri paraluka ntoto mokenggenisi berimba polipa nu pamarentahan.
 
“Karia nu wagub nombantu gubernur mokonggenisi pamarenta ta ri eo pangane hi,” tesana.
 
Apalagi, nariamo sanga-sanga rapelisi dako ri partai koalisi. Tapi, nakuya aga nibonto nju bago pompelisi.
 
“Nasae mo nua nu hi. Berimba aga vesi nju. Boitomo hai, panggavaku, aga randua sabana, elit politik ledo na sorius, bo ledo leria kapadulia ka todea,” pangulina.
 
Samantara, sala sangu elit politik anu najadi muni anggota DPRD, dopa notesa masala hi. Nitelepo iribongi, dopa na aktif hape na.**

Berita terkait