Reporter: Ikhsan Madjido
SARARA taanu da nongungsi ri tenda bo huntara aga mosabara maoge mantongoroka jaminan hidup (jadup).
Sabana, apa pamarenta pusat yarega kementerian sosial (Kemensos) RI maupa BNPB dopa no respon perapi dana jadup anu niperapi pamarenta Kota Palu.
Wali Kota Hidayat, ri tempo po Open House ri banuana ri Tavanjuka, Jum’at (7/6/2019) notesa ane pamarenta pusat aga nojanji nggo jadup. Alasanra masala data dopa nasagena.
“Data berimba vai ra parluka. Ri bula November 2018 ante Pebruari 2019 yaku mboto nanggeni data ka gera,” panguli Hidayat no tesa mpanjili polibu ra ri kantoro Wapres.
Karana dopa nan au dana pusat, Pemkot tarpaksa nangala dana dako ri kas Pemkot, deana Rp50 miliar periode Oktober 2018 sampe Maret 2019.
Sadangka bula Mei – Juni 2019 niperapi mo tapi dopa naria realisasina. Aga janji bayangi. “Dopa napasti jadup dako ri pamarenta pusat,” niulina.
Nitesa Hidayat, sabanarnya bantua ka pongungsi ri Palu ante ri Sulteng dopa niala dako ri pos APBN. Tapi bantua dako ri luar negeri. Deana maria Rp250 miliar. Doi hair i BPNB pusat.
Hidayat nerapi dana jadup ka Kota Palu maria mo reme-remena, asupaya nuapa paralu geira ri pongungsuan mamala ra ponuhi.
Hidayat berharap dana jadup untuk Kota Palu mendapat kejelasan agar kebutuhan dasar warga di pengungsian bisa terpenuhi.**
