Polda Sulteng Nosulap Banua Lansia

  • Whatsapp
banner 728x90

Reporter: Ikhsan Madjido

POLDA Sulteng nompakabelo anu panguli nggapuri ‘bedah rumah’ tolado natuamo ri  Donggala Kodi, Kota Palu, eo Sine (17/6/2019).

Kambelana ri dala kedondong II Lorong Anatapura, banua rindi dopi nisulap najadi banua gaya. Dit Binmas Polda Sulteng nompelisi Anwar apa na ase rarara nanggita katuvua totua hi.

Anwar (60) anu natormasuk todea napakasi ntoto domo ranga nepeinta, apa naburo mo matana.

“Katuvua I Anwar napakasi ntoto ranga. Damo nopake tongka ia hau bara nokuya,” panguli Kabid Humas Polda Sulteng, AKBP Didik Supranoto, eo Sine (17/6/2019).

‘Bedah rumha’ hi nikavia sabagai kapadulia nu Polri anu momparingati Hal Hari Bhayangkara ka 73 tanggala 1 Juli 2019 makava.

Nasana ntoto rara Anwar nangepe kareba banua na rapaka belo.

Tapi, niperapina ane mo pakabelo banua, domo ralinja nturo mbara-mbara ra banuana. Supaya magampa ia mohapala rumba nturo mbara-mbarana, a magampa ra ala na mboto.

Bedah rumah nitasere tatalu sampe pata eo hai nibalenggai Direktur Binmas Polda Sulteng AKBP M Ngajib norambanga ante Wakele Direktur Binmas bo anggota Ditbinmas maupa todea ri sinjori banua.

Kabid Humas Polda Sulteng, AKBP Didik Supranoto nanguli Hari Bhayangkara ka 73 Polda Sulteng nompakasadia mo mpeangaya program, eva Pembinaan Tradisi, Pengabdian Polri ka todea, Lomba-lomba bo Sarasehan.

Anu hi, niulina, apa Sulteng naupu nambela bancana, apalai danariapa vai banjir bandang ri Morowali  nte tampa ntaninapa ri Sulteng. Sangupa muni Polda da na fokus mojagai ka amanan haja Sidang Perselisihan Hasil Pemungutan Suara (PHPU) Pemilu 2019.**

Berita terkait