Nadea Banua Napapu Nakoslet

banner 728x90
Reporter: Firmansyah Lawawi
 
RI Mpae 2019 kajadia banua napapu eva nantambai deana, ane ni bandika ri mpae-mpae naliu. Kapala Dinas Pemadam Kebakaran ante Penyelamatan (Damkarmat) Kota Palu, Sudaryano R Lamangkona, nanguli ri mpae 2019 naria 68 nggani kajadia napapu ri Kota Palu. Samantara, ri mpae 2018 maria 104 kali kajadia.
 
“Mpae hi, nompene kajadia napapu ri Kota Palu,” panguli Sudaryano ri tempo bago Sosialisasi dan Simulasi Alat Pemadam Kebakaran (APK) ri doyata Kantoro Wali Kota Palu, eo Juma (28/6/2019).
 
Nitaserena, pompene kajadia hi niposabaka lingu mbaso tanggala 28 September mpae naliu.
 
Anu hi ane nipeinta saba kapapu deana pa niposabaka listrik na koslet. Nitasere instalasi listrik ri banua no lese ponturo na. Boitomo itu nosabaka na koslet.
 
“Ane nipeinta saba kapapu, deana pa saba nu koslet,” tesana.
 
Samantara, Asisten Bidang Administrasi bo Perekonomian Setda Kota Palu, Singgih B Prasetyo nanguli nadea kajadia kapapu hi rapajadi baha evaluasi. Asupaya paralu maria usaha mompacogah kapapu. Carana, masaro mompangajari todea.
 
“Kana rapangajarita todea. Kuperapi, sosialisasi hi rapaka ronja belo, supaya todea mompaha berimba mangatasi kapapu hi,” panguli Singgih B Prasetyo.**
banner 300x90

Pos terkait

banner 580x60