Riara mompatoraka kajadia lingu ri tanggala 28 September naliu, i Walikota Palu, Hidayat nosuvuraka sura petevai.
Sura ante lomoro: 360/2089/KESRA/2019 nangulika riara nompatoraka lingu, tsunami, bo tana noenju ri tanggala 28 September ri ngata Palu, Provinsi Sulawesi Tengah, riumba nadea tona namate, banua nte kantoro nagero, ngata nahancuru, ante sura hie nerapika ka tode, ri eo Sabtu (28/9/2019) ala mompatuntumaka nuapa isi dako petevaika.
Eva nerapika ka todea ala morambanga mo ibadah bo merapika doa. Nasosuai ante agamara mboto-mboto.
Nemo manggavia haja ledo ria gunana. Eva aga madamba da bo mompaka kaco ngata, ante nompaka rugi todea.
Motutui hiburan bongina, eva karaoke, pub, panti pijat ante haja-haja nasimbayu ntanina.
Nemo moputara lagu maroo, manggavia konser musik ri kafe, lestoran, bo ri hotel ante mopepegu potasan. ***
Reporter/Translator: Firmansyah
