PALU – Pamarenta Kota Palu ante Komisi Pemilihan Umum (KPU) Kota Palu, eo Sine, tanggala 6 September 2021, nokaivuruka mo, porogra Kaluraha Peduli Pemilu dan Pemilihan (KP3) Kota Palu, anu nitandai pogempu nota kesepahaman antara Pemkot Palu bo KPU Kota Palu.
Wakele wali kota Palu Reny A Lamadjido no hara porogra hi mompatubo kasadara ntodea mango seaka poroses pemilu maupa pemiliha. Mevoke potosu dako ri kaluraha.
Panguli Reny, karia KP3 mompaka roso paha ntodea gunana demokrasi riara mpotosu, sahingga geira majadi topotosu ma pande ante ma kiritisi manggeniaka hak pili na. Ledo magampa rapakeni mo politik uang, hoaks, sentime SARA, konflik ante kakarasan.
Ledo aga hai, karia nu KP3 ri kaluraha ri Kota Palu, nisaro maka mompopo voke muni paratisipasi ntodea, kuantitas maupa kualias na.
KP3 marupaka porogra dako ri KPU RI no tujua mo bangu panotoa politi ante mompangajari todea eva pamilu no basis kaluraha.
