Calon reporter: Firmansyah
SABANA Nigoso nu uda Romba bongina dala hau rijambata gantung nandasa nipoliu. Ri Jalan Kalora Kelurahan Nunu Kecamatan Tatanga Kota Palu kajadiana. Dala rapoliu hau mevote hau ri jalan Miangas (Maesa) ni kava nu movo.
Kaupuna topo Motoro noloiu ridala hai santanga mate moliu. deanapa geira nantalili nangelo dala ntanina. Nadeamuni geira topo motoro domo najadi noliu ridala hai apa naeka mabangga ngena purukara ante masolili vai motorora.
Dako nipanggita Media hie eo Araba 24-Mei 2017 Padondona, uve ledo aga nekase ridala. Uve muni sakide-kidepa mesua riara banua ntona. Uve nesua sampe ridala hai sabana muni domo namampu Keke(Drainase) nosonggo uda. Kaupuna nempoji ridala pura uve.
Ri dala ntatina riara libo ngata Nunu ridala Sungai Sa’dan. Uve muni nompene. Ledo aga itu, naria rangga mbaso nukayu nakoto norunju tatanga nudala. Kaupuna dala domo namala rapoliu nu motoro apalagi Oto.
Lapanga Sepa Bala mini domo netekita rumpuna dama aga uve bayangi noili. Nakajadia pangane padondo. Tona riara ngata nosibantamo isemamo nasalah Pamarinta ato tupu nungata. Apa ane nauda rombamo pasti mamovo vai ridala hai. **
