Palu,- Ngata Sulawesi Tengah dako-dako hi nambela nu bencana alam eva lingu ri Poso, movo ri Toli-toli. Pura-purana ngata ri Sul-teng hi nambela pura musibah tarutama “banjir”. Ledo natetutui kamungkina ngata Palu mambelaka muni. Eva nakajadia ri eo Minggu ri avi tgl,4 Juni 2017 bongina.
Uve nggarona nompene ri bavo nu tanggul bivi karonamo apa volume uve nadea ante narimboso poilina hau manau ri tasi. Kaupuna sakuya Kelurahan ri sabingga kamata eona kota Palu hi na banjir. Eva Ujuna, kampong Baru, kampong Lere ante Nunu.
Dako ri panggitaka Media hi Minggu bongina, tarutama ridala Kalora keluran Nunu uve dako ri keke nompenemo rara banua ntona. Kaupuna sakuya kapala rumah tangga hau nalai. Vesia muni ri Ujuna, kampong Baru. Uve nompene muni sampe rabanua ntona. Eva panguli nu istilah ampa Kalurahan hai “Langganan banjir”. Ane uda rumba pasti nabanjirmo.
Dako panggitaka vai media hi kaupuna eo Senin 5 Juni padondona uve mpaulamo nabai sakide-kide, tapi ledo bararti ngata Palu ma ama banjir. Apa mpae-mpae nggaulu sakuya ngganimo ngata hi nigoso numovo. ***
Reporter: Firmansyah
