PALU,- LEDO Nirasai Festival Palu Nomoni II ante Pekan Budaya Nasional III naupuomo. mpamula nibukana tgl 22/9/2017 sampe naupu 27/9/2017 nabelo bo nalancara. mosjipun kedo nikakavaka Presiden RI. Haja Mbaso hai da naroa, anu netepeinta dako ri kadotantona nakava nanau ri dala, njobuna todea mparatai ripamula ri Kalampa utama, sampe ri libo haja FPN ntanina kandatena Papitu kilona ri bivi nutasi Teluk Palu eo Araba (27/9/2017) tinti 19.30 Wita.
Haja hai nikakavaka Walikota Palu DRS. Hidayat. M.si, Wakele Walikota Sigit Purnomo Said, Gub Sulteng ato niwakeleka Sekprov DRS. Hidayat Lamakarate, Sek Dirjen Kebudayaan Dr. Nono Adia Supriyatna. MM, Mendagri ni wakeleka Kapala Biro Admn Pimpinan, Kapal unit Karja Keprisidenan Deputi III pengendali Edukasi Dr. Silvernius Suharso, anggotabDPD RI Hj. Nurmawati Bantilan, Panglima Komando Operasi TNI AU II Marsma TNI Yadi Sutanandika. M.si, anggota Komisi III DPR RI H. Abdul Kadir Kardi. Spi. M.si, Forkopindo Palu, perwakilan kerajaan anteWalikota Pahang Malaysia, Bupati ante Walikota se Indonesia, Katua DPRD Pangka Jene Kepulauan, Madika ante Sultan ri Nusantara nte torata ntanina.
Riara petevaikana, Walikota Palu nangulika Songgo Poasina nambaso ka todea mpabantu ka haja mbaso hie. Nompamula dako ri atraksi seni, paneran kobudayaan, nadea ngayana anu ni polombaka ante ntanina pura. mpanggavana, ante nikaviaka FPN ante Pokan Budaya Indonesia, anu sala sangu misi Pemkot ka ngata jasa bobudaya ante noada, nopandasika inan ante taqwa, ala hau ka ngata Destynasi wisata Ekonomi kreatif ka Alima mpaena rikauluna. Sekprov Sulteng DRS. Hidayat Lamakarate Nangulika muni, haja mbaso hi nalancara sampe napumpu, anu mamala mobuka cakrawala Dunia ka Sulteng, tarutama Ka Ngata Palu sobagai rakakava wisatawan partama. Nitambaina muni ka todea ri ngata Tadulako ala mojagai ante mosiloki pura objek wisata naria ri libora, ante mompaka belo kainggua belekana makava tona sangatana ri si.
Naupu hai acara nisambu ante hiburan dako ri tana kaili ante manari Kesultanan Pahang Malaysia, nodekai ka cindera mata ka Madika ante torata ntanina. Sobolumna mpadadeka lagu Indinesia Raya Tatalu Stanza, kolaborasi sanggar seni ngata Palu ante Drumer Gilang Ramadhan nanggenika dade kaili. Naupu hai nakavamo riacara nitonggoraka tona pura, ponampilan Artis ibukota eva Nazar KDI, Iis Dahlia ante Ungu Band. Notambai karoana todea nakava nantara Live Performance topo dade pura hai, domo nirasai waktu nwsuamo tang bongi.**
Reporter: Firmansyah
