SULTENG,- INDEKS Demokrasi Indonesia (IDI) Sulteng 72,20 ri mpae 2016 nanau 4,47 poin ni bandingka 2015 deana 71,67, naria ri bavo panggava IDI nasional deana 70,09, tapi da riambe target RPJMN 2015-2016 mbasona 75,00. Jadi rekena tingka demokrasi ri ngata Tadulako socara mbasona da riara kategori santanga, rekena 80 nabelo, 60-80 santanga, ane 60 nadoyo. Data hi niala dako Press Release ri ruanga tele confrence kantoro Badan Pusat Statistik (BPS) prov Sulteng dala Moh Yamin Palu tinti 12.00 wita.
Socara mbasona IDI Sulteng nanau niposabaka dako ri aspek kobebasan sipil ante hak-hak nopolitik, tapi anu hai da ribate ri kategori nasimbayu yaitu santanga. Ane ra peintaka dako ri uruta wilaya Sulawesi, Sulteng nonturo ri posisi ka Ampa 72,20, naupu hai Kendari 71,13 kaupuna Makassar 68,53. Ri nomoro Sangu nikava Girontalo 77,48, karanduana Manado 76,34, naupu hau Sulbar 72,37.
Anu nompaka nau indeks demokrasi ri Sulteng eva kobebasan nokumpulu borserikat nanau 37,50, kobebasan borpondapat 82,62, kobebasan noagama 6,88, kobebasan sipil 80,39 nanau 24,21 poin dako ri mpae 2015 tapi da nabelo, hak-hak politik 67,89 nanau 0,36, poran birokrasi pamarenta daerah 61,51 nanau 20,51 najadi 40,60, kolombagaan 68,76 nomprne 2,23 nesua ri kategori santanga, ane aspek nadoyo nikava poran DPRD deana ri 2016 48,28 ante poran partai politik deana nasimbayu 48,28 poin.
Kapala Badan Pusat Statistik (BPS) Sulteng ir. Faisal Anwar.ST riara press release nangulika naria Tatalu aspek nompaka ponting dako ri purana hie, eva politik, kolombagaan ante kobebasan sipil. Ane ka IDI nasional abte Prov Sulteng ri mpae 2016 nasimbayu pura nanau, tapi kita da ribavo idi indonesia, ” Naria Randua aspek nompaka kita padagi dako nasional, anu hai kobwbasan sipil ante kolombagaan, hai naparalu ntoto,” petevaikana. **
Reporter: Firmansyah
