PALU,- RIARA Tempona no reses Dekot, kira-kira saminggu saena hie, Ketua Dekot Ishak Cae hau nanjayo ri Kampus Universitas Tadulako Senin (23/10/2017). Riara panjayo hai, netuntumaka muni OPD kota eva DLH, Dinas Pekerjaan Umum (PU) kota Palu ante Bappeda.
Rambanga nitarima ka Rektor Untad Basyir Cio ri ruangana. Riara ponturora notesaka urusa karjasama riara manggavia undang-undang paratura nu ngata, urusa bundaran ri ngayo kampus, urusarumpu nadea ri Untad, ante ntanina.
Riara jaritana, Rektor nangulika ala bundaran ri ngayo dala kampus, mamala muni ratangani pamatenta kota, rapataka poindo supaya domo ria tona macilaka morumpa anu hai, ante moanggataka rumpu riara kampus. Kapala Dinas PU ir. Singgih Prasetyo nompetevaika anu hai nakuasaka i Walikota Palu, tapi mamala rajaritaka ngena ante geira, morambanga ka Dekot.
Ishak Cae riara kasampatana nangulika ka wartawan, urusa bundaran hai, nambela muni ante pamarenta kota, anu hiie damo rakarebaka ka Walikota, ” Ane maria jawaban mabwlo dako Wali kota, insya Allah urusa anggrana rajaritai eo Senin ri ngayona” petevaikana.
Samantara hai, Rektor nangulika ledo ni sangkana katua Dekot makava manjayo ri kampus, tapi ante posinrumi hie, mabelo vai ka ringayona, tarutama urusa nu panggavia paratura ngata ala ra bahas morambanga pura, ” Mami.vesiamo hi kambelana, jadi mabelo ringayona urusa antara Legislatif ante kampus” pangulina.**
Reporter: Firmansyah
