PALU,- MUSYAWARAH Daerah Realestate Indonesia (REI) ka 8 ante tema ” nompaka belo pokarjaa REI ante pamarenta riara manggavia nojuta banua ka tode” nanggavia haja nompelisi kotua REI periode 2017-2022,ri Ball Room Best Western Coco Hotel dala Basuki Rahmat Palu, tinti 09.00 wita, tatalu kandidat rapelisi Ir. Gufron Ahmad ante jargona ” Harapa baru ka porubahan “, Ir. Musafir Muhaimin ante M Nizar Rahmatu.
Haja hai nikakavaka Kotua DPP Puse Ir. Sulaeman Soemawinata, nowakeleka Gubernur Sulteng Asisten II Bid Pemerintahan ante Kesra Dr.Ir. Elim Somba, Moh Rifani. S.os noganti Walikota Palu, Forkopinda, dako ri Polda Sulteng, nowakeleka Dandrem 132 Tadulako, Pongusaha Real Estate, perbankan ante anggota Musda ntanina.
Riara petevaina Kotua DPP Pusat nangulika REI Nikavia ri mpae 1995 nompamulamo mpadekei anu nabelo ka Negara, tarutama nombangu banua ka todra ri Indonesia. Ante naria haja nompelisi kotua baru ri tempo 2017-2022 hie, tarutama ka geira Tatalu kandidat, ala belekana metepilisi ngena sala sanguna mompaka belo pokarjaana ka todea ri ngata Tadulako riara mombangu banu katodea.
Asisten II Bidang Pemerintahan dan Kesra Dr.Ir. Elim Somba nangulika Musda REI nawajib rakavia ala momparesa brimba pokarjaana kotuana nggaulu, sabagai pevoke banua ri Indonesia mosipanuntu ante perbankan nte pamarenta netekaika manggavia libo nu banua, ala mompaka belo pmbanguna ri Sulteng. Sema metepilisi ngena ala mompaka belo pokarjaana, najadi otorisasi ka anggotana riara mombangu banua nabelo.**
Reporter: Firmansyah
