TAMBANG GALIAN C RI LABUAN NOSIBALI ANTE TODEA

  • Whatsapp

DONGGALA,- TODEA Dako ri Labuan, Kec. Labuan Kab. Donggala nakava ri Kantoro Aliansi Jurnalis Independen (AJI) dala Rajawali ngata Palu tinti 11.00 wita, kakavara geira pura niposabaka topo kae  (galian c) nogero binangga ri ngatara. Papitu porusahaan hai, nompaka bai uve nggarona, bivi nggarona nompamulamo natura ni kaviara. Padahal geira nandiu, nobokoisi ri binangga hai, tapi ritempona hi nakuramo uvena.

Padahal nisuvurakamo sura ka Papitu porusahaan ka Dinas Energi Sumber Daya Mineral Prov Sulteng Tanggala 8 September 2017 ante nomoro: 540/0812-MINERBA/DESDM, isi nu sura hai eva Porusahaan mompaka belo anu nikaera pura hai, notuntumaka izin lingkungan ni duamoriara dokumen UKL-UPL, Porusahaan nanggenisi UIP moreklamasi binangga nikaera, ante riara mokae bone geira manggita aliran nu uve, nemo sampe nompaka tura tana ri bivi karona. Tapi ri tempona hie, Kapapitu porusahaan hai ledo nekalingasi sura dako ri ESDM.

Muat Lebih

Jaringan Advokasi Tambang (JATAM) Taufik nomporoa gira pura hai nangulika, sampe eo hie ledo ria buktina porusahaan mpatuntumaka sura dako ri pamarenta, pamarenta muni eva aga nitutui mata ante urusa hi. Anu hi ni ulimuni dako ri Forum Masyarakat Peduli HAM Andi Taufik, riara jaritana niulina nihubungi mo ESDM ka masala hai, tapi niulira aga io, bo io, tapi ledo ria nilaksnakan sampe eo hi, kandala nikae 20 meter ri ambe binanangga, anu petevai pamarenta ala moreklamasi binangga ledo ria nikaviara, ane riara bula hi dopa ria ra pakabelora, kami todea manau mboto mompatutui porusahaan pura hai” petevaikana.

Kapala Dinas Energi Sumber Daya Mineral Provinsi Sulteng Yanmar Nainggolan ni pekutanaka Media hi ri telepo via Ehats Ap 08218851xxxx dopa ria nodekei jaritana ka urusa hie.**

Reporter: Firmansyah

Pos terkait

banner 580x60