PALU,- BADAN Nasional Penanggulangan Terorisme (BNPT) Sulteng ante Forum Koordinasi Pencegahan Terorisme (FKPT) nanggavia haja mojaritaka literisasi Media majadi tampi anu makaco ante terorisme ka todea ri Sulteng, eo Kamisi (2/11/2017) tinti 07.00 wita ri Swissbell Hotel Silae ngata Palu. Posintomu hai nikakavaka Asisten Pamarenta Sekdrov Dr. Fahrudin Yambas nowakeleka Gubernur Sulteng, anggota Dewan Pers Nasional Jemy Silalahi, Direktur Deradikalisasi Prof Irfan Idris, ketua FPKT Dr. Muzakir Tawir, pers Mahasiswa Palu, Forkopinda, wakele Polda Sulteng, wakele Korem 132 Tadulako, wartawan ante torata ntanina.
Asisten biro Pamarenta Sekdrov Sulteng Dr. Fahrudin Yambas riara nobuka acara nangulika nantarima belo ka posintomu hai, apalagi ri tempona hie kareba terorisme ante radikalisme riara katuvu ntodea da nadea ntoto, tarutama ri ngata tadulako. Anumo hai raparluka mompaka.sangu.povia ala.motangkisi isu nompaka gero katuvua ri nagara indonesia. Nakavaopa niulina muni Media.najadi pokontrol todea mamala morambanga ka BNPT, FKPT ato pamarenta majadi tampi ka anu madoyo eva ideologi le nabelo.
Petevai nasimbayu niulika muni ka Kotua FPKT.Dr. Muzakir Tawir Media ante BNPT mamala morambanga riara mpatangkisi isu madoyo rapajadika terorisme ka pura-pura todea ri tempona.hie, nevoke dako ri petevaika tona nadoyo nompatudu najadi teroris. Riumbana Media najadika Ampa Tinja nu nogara riara mpatangkisi anu ledo nabelo, Media muni mamala mangulika anu nabelo katodea ala nemo mompalelo.ka terorisme ri ngta tadulako. Muzakir muni nompatoraka ala mainga ka isu-isu radikalisme ala.ledo matenggo dalara ngena.**
Reporter: Firmansyah
