Reporter : Ikhsan Madjido
PALU,- IPTU Tirtayasa, SH., MH. dako ri KBO Sat Reskrim Kepolisian Resor Palu, eo Sine 04/12/2017, nompaserahkan inda pake barang bukti sapeda motoro ka anu tona najadi korban mpebagiu anu nipokaiungguka tona najadi mo tersangka nosangaka RK. Tersangka hi nisaka tim buser Sat Reskrim Polres Palu. Tesa mpebagiu hai ane nibaca ri laporan polisi nomoro : LP/2136/XI/2017 Sulteng Res-Palu, tanggala 4 November 2017, tesa vesihili, ane korban hi nanggavala bala, nosirumpa nte motorona ri Jl. Setia Budi eo Juma tanggala 3 November 2017.
Nakava langgai nosangka RK nompabantu korban hi nanggeni hau ri banua nu korban. Naupu hai niuli i RK, ra inda ru motoro hau mompatusaka tuei nu korban anu naboli ri tampa mposirumpa. Tapi, nitongoraka-tongoraka dopa ria neumba i RK. Boito mo itu korban hau ri no lapor ri kantoro polisi naggavia laporan polisi. Kasus hi nitangani bo ni papola anggota Sat Reskrim Polres Palu. Pasal anu nisangka ka pasal 372 KUHP, ancama na pata mpae panjara. Tim Buser namala no saka i RK ante motoro anu nikeni mpalai, pade nikavia penyidikan.
BACA SELENGKAPNYA DI HARIAN KAILI POST…!
