 |
Reporter: Firmansyah Lawawi
|
SATUAN Tugas (satgas) validasi data todea anu nikava nu lingu, ra bontuk pamarenta kota mo validasi isema-sema tona mamala mantarima dana bantuan.
Struktur nu anggota Satgas anu samantara ni susu hi karaja ra mo mpabela, mo suruvei, ante mompakatantu tona mompatarima bantua anu na porna mo ni data ruru.
“Walikota Palu mompatorbitkan SK mpa bontuk satgas validasi data hi. Walikota da ri Jakarta nasiromu ante BNPB, no tesa tim satgas,” panguli Kabag Humas Pemkot Palu, Yohan Wahyudin, eo Sine (4/2/2019).
Riara urusa hai muni, i Yohan nangulika Satgas validasi data, mokarja magasi. Tapi muni ledo masimputare riara mokumpulu data dako ri todea. Ala ledo masala riara modekeikan dana poganti ngena.
Nipekutanaka janji i Wapres ri minggu hi mosuvuraka dana Stimulan ka todea, i Kabag Humas nangulika pamarenta ngata mousaha mpu mompaka kana jarita hai. “Panggavaku hai muni, masosuai ante berimba cara mourusi danana, dako ri pamarenta puse sampe ri Palu. Nakurana masae muni sakide tempona,” pangakuna.
Niposabakamo hai, pamarenta ngata mosarumaka mpu ala magasimo rasuvuraka dana hai. Ala mompaka nga katuvua todea naupu nambela lingu, balumba mbaso bo tana noenju.
Nitambaina muni, tim partama nikavia pamarenta ngata, nodata urusa kabutuha pura, tona namate, banua nagero ante banguna pamarenta.**
