Naupu Ambulans, PAN Mompasadia Oto Sampa

  • Whatsapp
Ketua DPD PAN Kota Palu, Mujib Karim SE/foto:kailipost.com
banner 728x90

Palu,-Dewan Pimpinan Daerah (DPD) Partai Amanat Nasional (PAN) Palu ledo nabotu nanggavia bago sosial. Dako naupu nompasadia ampa oto ambulans ka todea ri Palu anu nambela posusa tomate, pengurus PAN Palu nosambeli vai oto sampa.

Rapokuya? “Paratama, ane motesa kota batuana motesa dekorasi. Nepa ruru motesa ntanina. Kota nanyama raoantaka, manyama ra ponturo bo mompaka kedo rara ntona mompakeni makava ri Palu. Tesa dekorasi hi randua. Marema bo Magasa. Randua mo hai ruru ka Palu,” panguli Ketua DPD PAN Palu, Mujib Karim, SE dako-dakopa hi.

Bacaan Lainnya

Oto sampa hai batuana inovasi armada sampa anu na mampu bo ba linca mesua ri kapiguna.
Sahingga, pongua po urusi sampa ria ra ngata hi makura sakide. PAN Palu mobantu mo atasi masala hi. Insya Allah. Panguli Waket Kadin Sulteng hi.

Panggavana, sampa poin utama ane mo dekor kota. Ane ledo magali bo gasa, berimba pa mo dekor ledo ria batuana. Apalagi Palu naupu nikava nu abala lingu mbaso.

“Vua mpekiri hi mo mpabantu pamarenta kota sabagai mode PAN Peduli,” tesana. ***

Reportase/editor: Andono wibisono

Pos terkait