Palu,- NAKURANA Gas elpiji 3 Kg baru-baru hie, najadi polemik ri todea riara ngata Palu. Berimba boledo, ri kareba nu sura kabar ante Media sosial najadi pojarita ante isu na hangat. Anu hie ledo natebasaka dako ri pengecer, riumbana geira nompomoreka ali nu gas patujura mboto, pade nitampunisi elpiji 3 kg ri banuara.
Gas elpiji 3 kg Subsidi dako ri Pamarenta ra dekeika ka tona nasusa ri ngata Kaili hi, ane monurut HET aga nipobaluka Rp. 16.000 Sangu tabung. Tapi ante geira topo balu eceran nibasakara Rp. 25.000 sampe Rp. 30.000. Urusa hie mpatambai kasusa todea. Apalgi elpiji nakuramo nipobalu ri kios-kios. Naupumo nipantalilika todea aga mangelo anu hai ala mavaya muni avura.
Anu hie muni nipetevaika Sales Executif LPG Wilayah Sulteng Bastian Wibowo tempona nikakavaka wartawan ri Pertamina Unit Pemasaran VII DPPU Mutiara Palu jl. Abdul Rahman Shaleh Senin (5/9/2017) tinti 17.00 wita nangulika nakura stok elpiji 3 kg nipisabaka geira topo ecer nompomoreka alina ante mpa tampunisi. Pertamina nompaka rosomo pongawasan, tapi nakura anggota porsonil ante naluo wilayah ratalilika najadi kendala.
Urusa kami aga mompadekei gas ante Agen bo pangkalan, nesuvumo dako hai, domo wilayah huku kami. Kami momperapika ka pamarenta ala mo huku geira nompaka mpene ali nu elpiji pura hai, ” Anu hie raurusi somua pihak, morambanga kita mompaka normal ali nu elpiji hie,’’ pangulina. **
Reporter: Firmansyah
