DONGGALA,- PT PLN Unit Induk Pembangunan Sulawesi Bagian Utara Unit Pelaksana Proyek Pembangkit dan Jaringan Sulteng mpadekei bantua dana CSR Rp. 50.000.000 ka SMK 1 Lalombi Kec.Banawa Selatan Kab.Donggala eo Salasa (12/9/2017) tinti 10.00.
Nosangaka PLN goes to school haja nalancara ante nipokono geira pura nakava ri acara hai. Riara nu haja nikakava Manager Unit Pelaksana Proyek UPP Kitring Sulteng Hermono Dwi Gunojati ST ante karyawana, Kapala sikola SMK 1 Lalombi Firdaus S.sos, camat Banawa Selatan H.Kasmudin, anggota DPRD Kab Donggala Taqwin S.os ante todea ringata bo ana mposikola pura.
Manager Unit Pelaksana Proyek UPP Kitring Sulteng Hermono Dwi Genojati ST riara pojaritana nangulika goes to school hi narimo ri mpae naliu, nanggavia proposal ka proyek, haselena SMK 1 Lalombi nambelaka bantua doi 50 jutana. PLN morancana manggavia proyek sarana ri Sektor Transmisi Line 150 kv dako ri Silae sampe Pasang Kayu, ante mariamo ngena proyek hai, sistim kolistrikan naria ri Sulteng matambai karosona, apa eo hi 90 porsen listrik niala dako ri PLTU Poso, “Ante kariana bantua hie, ala mamala modekeika belona torutama mompaka belo sarana nte prasarana pondidikikan ri posikolahie” mpetevaikana.
Kapala Sikola SMK 1 Lalombi riara tesana nangulika deana tarima kasi ka PLN mpadekei bantua doi, rancanana doi hai ra panggsviaka jaringa internet riara posikolana ala mamala motuntuni ujian berbasis komputer, “Tarima kasih ka PLN mpadekei bantua dana kapisikola kami,” niulina. **
Reporter: Firmansyah
