PALU,- DAKO SAKUYA nggani Posintomu anggota Banggar ante OPD Pamerenta ngata nojaritaka APBD 2018, riumbana riara anu hai Naria posibanta ante nosidenggu antara Sangu bo ntanina, sala saito anggota DPRD Palu ri Komisi C Rusman Ramli petevaikana ka Kaili Post Selasa (21/11/2017) tinti 12.30 wita nangulika anu hie najadika eva pesua mboto mboto ka Dekot, ante ane mamala pura-purana patuju dako ri wakele todea ante pamerenta neteala pura.
Nitambaina muni Dako ri Posintomu APBD 2018 nadea pangadua todea nikeni anggota dewan ledo najadi, ” Dako ri hasele reses 35 anggota DPRD Palu nadea ledo ni poioka pamerenta, Dako rianunumo hai kami madota majadi pura, batuana 35 petevaikana todea nakurana mamala rakaviaka rancana ala mabutu pura ” Niulina. Nakavaopa Nitambaina muni Nuapa nisuvuraka Dako ri unto anggota dewan, anu hai muni pangadu todea rangata, Anumo hai Dekot Riarantaira madota pura-purana mamala ratarima ri 2018, nakurana ri 2019 ato ngena riara Posintomu Panitia Khusus (PANSUS). Apalagi ri haja reses, todea Nasaro nesingara ka pangaduara ka Dekot, eva ponguara ka nompaka belo kantoro Kelurahan Tondo, kelurahan Talise Valangguni ante kantoro Camat Tatanga nasaemo dopa nikarja, vesia muni dala-dala rangata rapakabelo muni. Samantara hai APBD 2018 ma tantu ane maupumo rapisintomuka ri Panitia Khusus (Pansus) ri ngayona.
Reporter : Firmansyah
