Reporter: Ikhsan Madjido
MARIA Siopulu ngana mposikola SD dako ri kecamatan Tatanga ante Palu Selatan nompakita tau ra nangaji ante notulisi Qora ri lomba Baca Tulis Al Qur’an (BTQ) ri masigi Darun Naim, eo Sine (27/5/2019).
Bago nu lomba anu nikavia Unit Pelaksana Teknis Dinas (UPTD) Pendidikan Wilayah III Kota Palu hai batua na no tujua mo ukuru berimba tau nungana ri BTQ. Ngana nangoseaka bago siswa kalas alima anu nipatudukimo ri potambai jam belajar BTQ sakuya mbula mo naliu hi.
Kapa Dinas Pendidikan dan Kebudayaan Kota Palu anu niwakele Kasi Peserta Didik dan Pembangunan Karakter SD Fatma Lahasan nanguli ane ngana mposikola nangoseaka lomba hi, isema manggava bandera ra bebaskan ngena dako ri sistem zonasi ane mondaftar ri Sekolah Menengah Pertama.
“Ngana nanggava bandera atau na juara ri lomba hi, mpae makava ane mesua SMP ma bebas zonasi. Batuana geira mboto mompelisi posikola SMP mbana ra pesua ra,” panguli Fatma Lahasan.
Ane vesia hai, niulina, prestasi ri bidang agama kana mamala ra pepevoke vai, amamala geira majadi qori bo qoriah mompakavangi sanga nu ngata Palu ri nasional maupa internasional.
Potambai jam pelajaran BTQ hi program strategis pamarenta Kota palu no implementasika Visi ante Misi Pemkot Palu yaitu Palu Kota Jasa Berbudaya dan beradat dilandasi Iman dan Taqwa.
“Jadi point iman ante taqwa hi ni implementasika najadi program potambai jam belajar keagamaan Sekolah Dasar Negeri maupa Swasta,” pangulina.
Niulina, program hai nioseaka ngana umuru Menurutnya, program 7 – 12 mpae anu dopa natau BTQ. Boitumo hai, potambai jam polajara nisaromaka domo maria tamatan SD ledo matau mangaji atau motulisi ara.
Nitambaina, ane ngena ngana ga hai mesua ri SMP domo maria geira ledo matau mangaji, jadi magampa geira mesua ri posikola pompelisira.**
