Sumber: Humpro Sulteng
SAKERETARIS Daerah Provinsi Sulawesi Tengah nakava rip o seminar koporawata ri gedung Pogombo, eo Aha (23/6/2019).
Sominar hai nikavia nu Persatuan Perawat Nasional Indonesia (PPNI) Kota Palu.
Hidayat nangepe tesa nu porawat anu nonguaka kantamo sabingga kosojahtoraan, nasala podika tampa pokaraja, ante napigu luo mpakaraja nu porawat ri Sulteng.
Tatalu masakah hai ni jaritai Sekprov Hidayat Lamakarate ri ngayo nu mporawat Kota Palu anu nompasiromu rara PPNI Kota Palu.
Pangulina, nalanga gaga potande ka dokter nitasere najadi sala sangu factor nakuya naria nantamo sabingga kosojahtoraan tanaga kasehata.
“Boitumo hai, pamarenta Sulteng notumbo ahli profesi, monturo sanggani motesa berimba belona mompaganti atura supaya ma proporsional,” niulina.
Masala ka randua, ane maria porawat ra promosika hau ri structural atau madota molinja ri dinas, tapi tanggung jawana ledo ria hubunga na ante ka ahliana, jadi angka kreditna ra ta ma ka ruru. Majadi porawat vai pad era paka aktif.
“Tapi nakarugia komiu, apa ra reke vai dako ri angka kredit nggaulu,” pangulina nompe patora.
Anu hi, batuana mojagai profesi nu porawat supaya ledo malipo tugas fungsional na, anu nipokaeka malipo kamampua teknis ra.
“Anu hi rajagai, asupaya ledo malipo tugas-tugas fungsional nu porawat,” pangulina.
Poin kaupuna, niuli Hidayat, Ia merapi kabupatan/kota mompabuka formasi CPNS tanaga kasehata, anu radika ri sokina, natopa niuli ri wilayah terdepan dan terluar.
Apa panguli pangantoakana, naria todea nadea doina, tapi ledo nompakule mojagai sarara ri ruma saki, apa nadea gaga kasibuka. Jadi geira nangelo porawat mosambei mojagai.
“Nemo sampe, porawat mantambai deana, ma pusi PPNI berimba mobantu geira supaya manggava pokaraja,” pangulina notutui tesa.**
