Riara mojagai poredaran pupuk pestisida, rancanana pamarenta ngata Palu manggavia Komisi Pongawasan Pupuk bo Pestisida (KP3) Kareba hai nikava dako posintomu ri kantoro Bappeda Palu, Salasa (8/10/2019).
Ri haja hai nikakavaka Sekdakot Palu, i Asri, Asisten II Pemkot Palu, i Singgih Budi Prasetyo. kapala Bappeda Palu, i Arfan, Kadis Portanian Palu, i Burhan Hamading ante PPNS Dinas Portanian bo Hortikultura Provinsi Sulteng, i Umar.
Riara kasampatana, Sekdakot Palu i Asri nangulika tujuna nikavia haja hie, ala namala modekeika anu belo ka poredaran pupuk riara ngata Palu. Pamarenta ri tempona hie, nafokus riara mompaka belo poroduksi portanian. Riara mojagai kotahanan pangan, majadika kotananan nasional.
Riara manggavana, naparlu ntoto molipa mormbanga. Eva mompakabelo sarana ante prasarana produksi. Sampe mompaka sadia pupuk bo pestisida ante cara mabelo, ” panguli i Sekdakot Palu.
Ala podekei pupuk bo pestisida mabutu pura ka todea riara ngata. Naparlu ntoto manggavia Komisi Pongawasan Pupuk ante Pestisida (KP3) ri Palu.
Panggavana, ala potatopo poredaran pupuk bo pestisida ri ngata Palu mabelo, utamana ka topo talua, ledo aga raduku pamarenta. Tapi muni pura-purana natekaika urusa hai.
” Ala pupuk bo pestisida hai, magasi, madea rakava topo talua. Ante mutu mabelo ante ledo nasuli alina, ” petevaikana.
Nitambaina muni, potatopo pesuvu nu pupuk bo pestisida ka todea, rapeinta ante jagai mpu ri lapanga ka tim KP3.
“Tim KP3 mpu-mpu motevaika ka tupu nu goda, kios, bo pongecer kodi. Ala pondistribusian pupuk namala ra portanggung jawabkan, nasosui paraturana,” perapina.***
Reporter: Firmansyah Lawawi
