Batik Bomba sala sangu ada dako ngata Kaili. Anu hai darurupa nariamo. Riara basa Kailina, Bomba hai niulii muni eva natebuka ka tona, bo nosarara.
Ngaauluna, tona nanggavia batik Bomba, ante cara tradisional nompake kayu. Bana dako ule sutra, nintanu nipajadika kai. Naupu hai nibatik ante tinta niala dako ri puna nggayu. Nipakeka canteng kayu.
Ri tempona hie, batik Bomba dopa natolele tona nanggusanina ri Indonesia. Niposabakamo hai, alima wakele todea DPRD Palu, riara pokarjara nanjayo hau ri DPRD ngata Bekasi, eo Senin (14/10/2019) nompatoleleka anu hai.
Sala saito wakele todea DPRD ngata Palu, i Rusman Ramli ni talipo Kaili Pos nangulika, kakavara hamai, nitarima langsung Evi Mafriningsiati dako fraksi Partai Amanat Nasional DPRD Bekasi.
” Pangulira, geira nodekeika apresiasi riara nompa toleleka batik Bomba. Niulira, ngata Bekasi muni naria ada batikra mboto, ” petevaikana.
Panggava wakele todea dako Partai Keadilan Sejahtera (PKS) hai, ane rancana mompake batik Bomba riara hau mesuvu ri ngata ntona, bo mo reses ra poiyoka Panitia Khusus (Pansus) maria harapa mbaso ka pevoke industri batik ri ngata Kaili.
” Anu hie najadi sala sangu cara wakele todea, riara motumbo industri batik Bomba ri ngata Palu ri kauluna ngena, ” niulina.
Study kompereatif hai, haja pokarja ri sambalikuna dako komisi gabungan DPRD Palu. Geira hai eva wakele kotua II DPRD Palu, Rizal Dg Sewang. Kotua Baperda. Anggota Komisi C, Sucipto S Rumu, ante Ulfiani dako Komisi B.
Reporter: Firmansyah Lawawi
