Warganet Merapi Pemkot Moatasi Pompene Sembako ri Puasa

  • Whatsapp
Penjual daging ayam di pasar tradisional Masomba Palu, Sulawesi Tengah mengaku daging ayam naik. Foto: Windy/kailipost
banner 728x90

Palu,- Warga net nerapi pamarenta Kota Palu yarega Dinas Perindustrian dan Perdagangan supaya mamala mo atasi pompene mbara-mbara anu nabiasa niuli sembako ri bula Ramadhan hi ngena.

Anu hi paralu ntoto rakavia, apa nompamula nompene ali nuapa-nuapa ri gade Kota Palu.

“Iriavi ali numanu kampu nompene valupu sampe siopu. Nemopa marisa, nagila pompene na, siopu sa kilo,” panguli sala saito warga net, Arti Kailiwati no sovadaka kareba nu Kaili Post https://kailipost.com/2021/04/maile-mopuasa-ali-dagi-nu-manu-nompene-ri-masomba.html

Ane eo biasa, panguli toponturo ri dala Teluk Tomini hi, ali nu manu aga lima pulu, ante marisa aga 60 sa kilo.

“Rampuasa hi, madea topangelo sambako, tantu mompene mami alina. Boito mo hai pamarenta Kota Palu mo antisapasi, bo mangelo dala berimba belona,” perapina.

Warga net ntaninapa nanguli ane ali nu bau nompene muni. Utama na ali nu bau nipupu.

“Najadi kabiasa kami sambanua da ringgaunapa, ane nompaganggo bula mpuasa, kana no sahur ante uta dada bau. Ri inpres nasuli mo alina,” tesana.

Niulina ane ruru ali nu bau pupu rua pu sampe lima samba. Hi mami nompene siopulumo.

Ia nerapi muni asupaya monturo motangara mompakaponu kabutuha ntodea, manggava ali mesua ri akala.

“Nemo sampe todea masesa, apa nompene mpura ali mbara-mbara sampe pagoli damo dotara mo mpo more ali,”. ***

reportase : ikhsan madjido

Berita terkait