Sulteng,- FORUM Umat Islam Sulteng ( FUI) nanggavia haja npmptuntu kojahatan komanisiaan nompakagali etnis ato Genosida ka rezim Myanmar ante kalompo Budha Radikal ka etnis Rohingya. Aksi hie nompamula daki ri Doyata MasigivAgung Palu Barat, nesai ri Kantoro Wilayah Departemen Agama ante ri Kantoro DPRD Provinsi Sulteng eo Araba (6/9/2017) tinti 13.00 Wita. Deana Satu labi geira hai merapika Wakele todea ala mpakirim tutuntanra hai ka pamarenta pusat.
Riara pojaritara FUI nangulika ka pamarenta pusat sakuya tuntutan eva FUI Sulteng mparusuka pusat ala moputusi hubungan Diplomatik ante Myanmar, mparusu RI ala molivu Duta besar Myanmar ante motutui kodutaanra ri indonesia, mparusuka pamarenta ala motauraka tantara hai mpa lindungi Rohinhya, mpatuntu PBB ala mompaka navu hukuma Embargo ka pamarenta Myanmar, mparusuka Peradilan Pidana Internasianal ala mosaka Aung San Su Kyi, Jenderal Senior Min Aung Hlaing ante Biksu Wiratha nompatesi njobuna warga Rohingya, merapika ka Kepolisian Sulteng ante Kesbangpolinmas ala mangulika ledo ria netekaika urusa ri Rohnhya ante geira Budha ri Tana Kaili ante FUI merapika ka todea ri ngata Tadulako ala totap mosijagai posampesuvu salara ante mpatumbo anu kokorasan nte teror nompasangaka ka agama.
Aksi Damai hai nitarima anggota dewan Muharram, niulina geira pura Wakele ntodea ri Sulteng mpaduku FUI, tuntuta ra songgora ante cara rakirim ri Fax ka pamarenta pusat eo hi muni. Naupu nanggita bukti netekirimo tuntutanra topo demo nanjili pura riumba geira nosambaya Asara ntani ri kantoro hai. **
Reporter: Firmansyah
