Ngata Palu,- DEANA 455 calon jamaah haji (CJH) dako ri tana Kaili nibarangkaka ri eo Kamisi (3/8/2017) ante tatalu nggani tempo pobarangka (trip scedhule). Kloter Sangu nobarangka ri tinti 07.15 Padondona deana 182, karanduakana ri tinti 7.45 ante deana tona 85, ri katataluna deana 185 tona nobarangka ri tinti 10.25 wita.
Ka deana Kuota jamaah haji ngata Palu nibarangkaka ri kloter Alima hi deana 279 tona, kab Donggala 152, kab Sigi deana 17 tona, kab Toli-Toli Saito, ante Touna Sangu ito. Sadangka Kab Banggai, Buol, Morowali, Morut, Bangkep, Balut ante Parigi Mautong dopa naria kuotana ri kloter Alima hie.
Dopa nobarangka geira topo haji maturu ruru ri asrama eo Araba (2/8/2017). ka potugas nikeni nobarangka ante jamaah haji dako ri tana Kaili hi deana Alima, netebagi dako ri potugas TPHI Saito, TPIHI Sangu tona, TKHI deana Tatalu. Deana pura-pura tope mpene haji ri Sulteng 2.014 (Randua njobu bo Sapulu Ampa) deana.
Sala saito potugas TPHI koordinator sekertariat Hasnan Habib tempi ni kakavaka media hi ri asrama haji ri dala WR.Supratman Palu Barat nangulika sampe tempona hi doparia masalah nantamo ka pobarangka tope mpene haji ri ngata Tadulako. niulina muni ” Pangane naria tona ledo nakura sakide kasehatana, tapi watuna niparesa vai nu doktere kaupuna namala nobarangka” petevaikana. **
REPORTER: FIRMANSYAH
