Hutan Kaombona majadi sala sangu ikon ngata Palu. Deana doi rapake mombangu, nitargetkan Rp.300 milyar.
“Mombangu hutan Kaombona, nitargetkan deana Rp.300 milyar. Tapi dako Rp.40 milyar nate patotoka. Insya Allah pombangunana rapaka upu sakide-kide, ” panguli Walikota Palu, i Hidayat norambangaka wakele kotua DPR RI, i Muhaimin Iskandar. Natopaka nipokio Gus Amin ri tempona hai naggita kemah Santri ri hutan Kaombona, Minggu (27/10/2019)
Ledo aga rabanguka lapanga olahraga eva basket, pomaimbala futsal, bola voly, ante teater natebuka, ri hutan Kaombona hai muni panguli i Hidayat, rakavia ka UMKM dako ri Kementerian instansi natekai. Eva masigi bo mushola.
Riara kasampatana, i Walikota Palu notevaika berimba carana riara nompaka belo ngata naliu lingu, balumba mbaso, bo tana noenju ri tanggala 28 September 2018 naliu.
“Niposabakamo hai, raperapika ka pamarenta pusat, rakeni i wakele DPRD RI, ala masasintamo haja mompaka belo ngata Palu, ” perapina.
Nompaka roa kemah santri, i Walikota Palu nodekeika dorprize hau mo umroh. Haja hai nikava sala saito ngana santri dako pesantren Alkhairat.
Ri haja nanggita kemah santri, i Walikota Palu ante Gus Amin muni nokasampata notuda pohon ri hutan Kaombona. Nidekei ka PW KNPI Sulteng.
I Walikota Palu ante wakele DPR RI muni hau nodekei bantuan ka panti asuhan Wali Songo, ri dala Sukrano-Hatta.
Haja hai nikavia riara rangka pokarja i Panglima Santri, Muhaimin Islandar, mompatoraka eo santri kalima ri Sulawesi Tengah.
Reporter: Humas Pemkot Palu/Firmansyah Lawawi
